السلام عليكم
الحمد لله ربنا فضله واسع

انا قصتى احنا الحمد لله عايشين فى شقة كويسة بس العمارة معظم الناس اصبحوا يأجروا شققهم و تيجى ناس تسكن وبهدلوا العمارة عشان شققهم ايجار
وبقى منظر العمارة وحش هدا غير ان الناس بقت واخدة بالها مننا فى كل مكان حاجة
طلعنا او اشترينا حجات او سافرنا

و قررنا اننا نعزل و بدأنا بالفعل ندور على شقة و كل شوية نروح نلاقى شقق جميلة و ميحصلش نصيب كنت بزعل لانى كان نفسى امشى بس كنت بقول خير و اكيد يا رب شايلنا حاجة احسن

و بدات استغفر و دعيت فى اوقات الاستجابة وكنت بقرا سورة البقرة مع القيام والله والله فعلا ربنا ما فى اكرم منه كان مش عايزنا ناخد الشقق مع انها كانت جميلة والشيطان كان يوسوسلى ان ربنا مش بيستجاب دعائى

بس كنت استغفر الله علطول
والله ربنا رزقنا بفيلا مش شقة ما شاء الله لا قوة الا بالله
و فى مكان من احلى الاماكن

ان شاء الله هنستلمها بعد كام شهر و ان شاء الله ربنا يباركلنا فيهاااا

ادعولنا و يفرح كل الناس يا جماعة اوعوا حد يقول ربنا مش بيستجبلوا و اوعوا اى حد يبقى نفسوا فى حاجة و يقول هى دى و يزعل لو مجتش اكيد ربنا شايل الاحسن.

اللهم لك الحمد حتى يبلغ الحمد منتهاه
استغفر الله العظيم الذى لا اله الا هو الحى القيوم واتوب اليه.